Ulan (Pasintabi uli sa isang istatus post ni Ser Aris Remollino)

Kanina pa kitang hinihintay.
Nakahanda na ang tinapay
at kapeng
pang-
meryenda.

Pero hindi ka nagtagal
para makibalita
at makipagkwentuhan.
Sumilip ka lang--
ni hindi ka kumaway.

Iniwan mong walang-laban
sa salakay ng mga langgam
ang meryendang
tinapay

at
unti-
unti
nang
duma
dapo
ang
lamig
sa
kapeng
nag-
aabang

sa ibabaw ng lamesang
naghihintay sana
sa iyo.